Un poeta Simon Mesa Soto Kolonbiako zinema zuzendariaren komedia dramatikoa da. Poeta kolonbiar baten istorioa kontatzen du filmak; frustratua bizi da, baina baliteke gazte batek esperantza itzularazi izana. Cannesko zinemaldian epaimahaiaren saria jaso zuen filmak eta ondotik, beste bost sari irabazi ditu Simon Mesaren filmak; tartean, Donostiako Zinemaldian Horizontes Latinos sailean jasotakoa. Gainera, filmak harrera paregabea izan du aretoetan eta inoizko film kolonbiarrik arrakastatsuenen zerrendan kokatu da.
Todo lo que fuimos filmak Palestinako gatazka du hizpide. Bere familiaren bizipenetan oinarritu da Cherian Dabis zuzendaria. 1948an 700.000 palestinarrek sufritu behar izan zuten exodoa da filmaren ardatza eta belaunaldein arteko harremanetan oinarrituta, bizi gabeko iragan bat oinordetzan jaso daitekeela erakusten du.