Irrati programa bat bezalakoa da podcasta, baina nahieran entzutekoa. Hala, erabiltzaileek aukeratuko dute non eta noiz kontsumitu. Edozein unetan, play botoia sakatu eta zuzenean entzun ez duten saioaz gozatzeko edo gustuko izan duten saioren bat berriro entzuteko aukera izanen dute.
Edukiak gaiaren arabera antolatuta, zazpi saio sortu dituzte. Karrapetik plazara atalean Mendialdeko edukiak izanen dituzte hizpide. Kulturarekin lotutako kontuak Kulturaz jantzi atalean landuko dituzte eta horiekin batera, Gaurkotasunari begira, Eskolako berriketak, Bizi osasuntsu!, Harmailetatik eta Uhinetik uhinera sarea atalak ere sortu dituzte.