Aralar Musika Eskolako ikasleek jendaurrean erakutsiko dute orain arte ikasitakoa. Martxoaren 10ean, asteartean, 16:30etik aurrera entzunaldia eskainiko dute pop rockeko, saxofoiko, zeharkako xirulako eta txistuko ikasleek. Horien atzetik, 17:30 aldera, akordeoi eta trikitixa ikasleen txanda izanen da.
Martxoaren 11n, asteazkenean, 17:15ean piano ikasleek eskainiko dute emanaldia. 18:15ean perkusio ikasleak igoko dira oholtzara eta 19:00etatik aurrera gitarrakoak.
Martxoaren 12an, ostegunean, Goizuetako ikasleen txanda izanen da. Goizuetako udaletxeko ganbaran, 17:00etan hasiko dira entzunaldiak eta perkusioko, zeharkako xirulako, gitarrako, pianoko, trikitixako eta pop rockeko ikasleak ariko dira.