2023an Goizuetan lehenbizikoz antolatu zuten Txondor Egunaren segida bezala uler liteke elkartearen sorrera. Garai bateko ohitura berreskuratu eta balioan jartzea lortu zuten ekimenarekin: auzolanean maiatzaren bukaeran egin zuten txondorra, ekainaren 3ko ospakizunean piztu eta bertatik, 1.500 kilo ikatz atera zituzten uztailean.
Bazkidetza kanpaina martxan
Elkartea sortzearekin batera, bazkide izateko aukera ere zabaldu dute. 14 urtetik gorako edonor izan daiteke kide. Nahikoa da izen-abizenak, NANa, helbide elektronikoa eta telefonoa ematea. Urteko kuota 20 eurokoa izanen da. Edozein zalantza edo galdera izanez gero, emailez jarri daiteke elkarteko kideekin harremanetan, goizuetatxondorra@gmail.comhelbide elektronikora idatzita.