Goizuetako Familia Txokoak haurren garapenerako eta familien arteko topagune izateko saioak antolatzen ditu. 0-3 urte arteko haurrak dituzten familiei zuzendutako ekintzak izaten dira eta profesionalekin zalantzak argitu eta beste familiekin esperientziak partekatzea da helburua. Martxoan, gorputz kontzientzia eta mugimendu terapia lantzeko asmoa dute eta ziklo bat antolatu dute. Martxoaren 7an, 16an, 21ean eta 29an, Goizuetako udaletxeko ganbaran elkartuko dira 10:00etatik 11:30etara.
Dohainik eskainiko dituzte saioak, baina gizarte zerbitzuetara deituta izena eman behar da martxoaren 4a baino lehen.