Ostegun arratsaldean jokatu zuten Goizuetan Espainiako ohorezko mailako klub arteko txapelketako kanporaketa
Goizuetako Umore Ona elkartea Espainiako kluben arteko txapelketako ohorezko mailan ari da aurten ere. Ostegunean etxean jokatu dute jardunaldia Larraunen kontra eta partida bana irabazi dute goizuetarrak eta larraundarrek.
Buruz buruko partidan, Umore Onako Xabi Apaolaza hernaniarrak bi jokoak irabazi zizkion Larraungo Unai Astizi (10-4 eta 10-6). Binakakoan, aldiz, Umore Onako Beñat Apezetxea goizuetarrak eta Julen Urruzola asteasuarrak bi jokoak galdu zituzten Larraungo Iñaki Galarzaren eta Julen Sotilen kontra (7-10 eta 5-10).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.