Izena badu, astelehen ihautean Leitzan egiten duten baserrietako eskeak eta aurtengoan ere, jendetza ibili da. Bi taldetan banatuta egin dute baserrietako itzulia: batzuk, Incansables txarangak lagunduta eta txistulariekin, besteak. Goizeko bederatzietan hasi eta arratsaldean ailegatu ziren herrira.
Gaur, Erasote auzoan dabiltza eskelariak eta herriko txistulariak. Herrian, puzgarriak izanen dituzte 16:00etatik 18:00etara pilotalekuan. Atsaure kalejira izanen da eguneko hitzordu garrantzitsua. 18:30ean herriko plazatik aterako dira kalejiran. Plazan bukatuko dute itzulia eta ondoren, Trikidantz ariko da karrapean gaueko hamarrak arte.