Mamuak ezagutzera joan zen umea ikuskizunak, txotxongiloak, zuzeneko musika eta antzerkia biltzen ditu. Anodino Teatroa konpainiako kideek «ausartentzako abentura» taularatuko dute: «Egun gogorra suertatu da Malda eta Zorrotzek lan egiten duten almazenean: aurkitu beharreko erlikia galdu bat, konpontzeko dagoen musika-tresna eta, hori gutxi ez balitz, istripu baten ondorioz objektu guztiek bizia hartu dute ustekabeak sorraraziz… eta bakoitzaren mamuak esnatuz».
Sarrerak emanaldia hasi baino ordu erdi lehenago jarriko dituzte salgai. Prezio orokorra zazpi eurokoa izanen da eta guraso elkarteko kideek bost euro ordaindu beharko dituzte.