Dracula: A love tale filma Luc Besson zinemagilearen azken lana da. Bram Stokerrek idatzitako eleberri klasikoa du oinarri. XV. mendea, Transilvania, bere emazte Elisabetaren heriotzaren ondotik, Dracula printzea banpiro bilakatuko da. Mende batzuk geroago, XIX. mendearen amaieran, Londres hirian Dracula kondeak Elisabetaren antza duen Mina Harker emakume gaztea ezagutuko du, Dracularen istorioa eraldatuz.
Aro berria Irati Gorostidi zinemagile nafarraren filma da. Ultzaman 1980ko hamarkadan egon zen Ostadar Familia komunitatean dago oinarritua. Zinemaldian aipamen berezia jaso zuen. Larunbateko saiora zuzendaria gonbidatu dute eta berarekin solasean aritzeko aukera izanen da.