35 lagunek parte hartu zuten Arainburu mendi taldeak antolatutako irteeran. Behe lainoa ere lagun izan omen zuten ibilaldian, «lainoak izkutatutako bazter eta paisaia dotoreak ikusteko parada ederra izan genuen». Mendi tontorrera igotzean, txanpainarekin brindis bat eginez 2025 urteari agur esan eta 2026ari ongietorria eman zioten. Herrira bueltan, Ximon Apezetxeak prestatutako hamaiketako goxoa dastatzeko aukera izan zuten Umore Ona elkartean.