Azaroaren 19tik 25era Mexikoko Iztapalapa hirian jokatu zuten Frontball mundiala. 23 urtez azpiko kategorian parte hartu. du Goiuri Zabaleta leitzarrak eta esperientzia «oso aberasgarria» izan dela nabarmendu du: «hainbeste ezagutzen ez dudan modalitate batean aritzeko aukera izan dut eta jende berria ezagutzekoa».
Naroa Agirre gipuzkoarraren kontra jokatu zuen hirugarren posturako lehia eta 10-2 eta 10-1 irabazita lortu zuen brontzezko domina. Frontballean aritzeko ohitura askorik ez duela aitortu du Zabaletak: «Normalean jokatzen dugunaren oso bestelakoa da, entrenamendu asko behar da maila honetara iristeko. Jokoa egokitu, moldatu eta entrenatzen segi behar dugu orain».