Leitzako plazak itxura ederra hartu zuen igande goizean. Plazaren bueltan jarri zituzten Leitzako eta Aresoko ekoizleek postuak: sasoiko barazkiak, gazta, sagardoa, ogia, gozoak... eskainiz. Urtero bezala, eskaintza osatzeko, haziak trukatzeko postua eta Errigorakoa ere jarri zituzten. Mokadutxo egin nahi zutenek burruntzian erretako axuria eta taloak izan zituzten aukeran eta herriko txistulariek girotu zuten ekitaldia. Dermatosi nodular kutsakorra zabaltzea eragozteko, aziendak plazaratzea debekatu du Nafarroako Gobernuak eta horregatik, abeltzainek ezin izan zituzten aziendak eraman. Azienden faltan, traktorka arto eraman zuten plazara eta bertan aritu ziren artoa zuritzen.