Larunbatean, arkatza eta koadernoa esku artean hartuta, hainbat marrazkilari elkartuko dira begien aurrean ikusten dutena zuzenean marrazteko. Izan ere, horixe da sketchcrawl-a: marrazteko hitzordua.
Udaletxeko karrapean egin dute hitzordua 10:00etan eta argazkia aterako dute. 12:00etan Inaxio Perurenaren omenaldira joateko asmoa dute eta pilotalekua eta Leitzako arkitekturan nagusia den harriak ere toki berezia izanen du. 14:00etan herri bazkaria izanen da eta 16:00etan Aieneko garbilekura eta San Migel elizara joateko asmoa dute eta 18:00etan elizarako eskaileretara. Iluntzean azken argazkia atera eta topaketari bukaera emanen diote.