Urriaren 6tik 10era Leitzako denda eta zerbitzuetan egindako erosketak saritu nahi izan ditu Kaxkabeltza elkarteak. Urriaren 13an egin zuten zozketa eta irabazleak azaroaren 13ra arte izanen du bonuak erabiltzeko aukera. 110 euroko bederatzi bonu eskuratu ditu Ariztelan, Astiz liburu dendan, Edergunean, Esther Arrupea farmazian, Hernandorena burdindegian, Inaxio Perurena kiromasajean, Leitza garajean, Perurena harategian eta Zortziko labetxean erabiltzeko.
Hemen erosteko mila arrazoi izenburupean udazkeneko kanpaina berezia egin dute Leitzako Kaxkabeltzako elkartekoek. 1.000 euroko balioa duen saria banatu dute eta Juanita Alkoz izan da irabazlea. Herriko bederatzi komertziotan erabiltzeko 110 euroko bederatzi erosketa txartel irabazi ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun