Euskal Herriko landa-eremuko bost pertsona queerren bizipenak, hausnarketak eta sentsazioak bildu ditu Martxel Larrazaren fotokazetaritza proiektuak, eta LGTBI komunitateak herrietan bizi duen erbesteratze prozesu isila lantzen du.
Urriaren 16an, Leitzako Herri Aretoan bi saio antolatu dituzte, lehenbizikoa goizean, Amazabalgo ikasleekin eta bigarren saio irekia, 19:00etan. Joseba Olagaraik gidatuko ditu bi saioak eta goizean, Unai Zabaleta eta arratsaldean, Arantxi Sukunza gonbidatu dituzte. Erakusketa astebete egonen da ikusgai herri aretoan.