Aloña Mendiko Erlerekin batera 9-22 galdu zuen Larraungo Galarzaren eta Sotilen kontra igandean jokatutako finalean.
Oñatiko Aloña Mendi Kirol Elkarteak antolatutako 42. San Miguel pilota txapelketako finalak jokatu zituzten urriaren 5ean, igande arratsaldean Oñatiko Zubikoa pilotalekuan. Maila nagusian, Umore Onako Beñat Apezetxea goizuetarra, Aloña Mendiko Iñigo Erlerekin batera ailegatua zen finalera, baina 9-22 galdu egin zuten Larraungo Iñaki Galarzaren eta Julen Sotilen kontra.
Apezetxea saiatu baldin bazen ere, atzeko kuadroetan ez zen fin ibili Erle eta beti Larraungo bikotearen menpe izan ziren.
Gazte mailako finalean, Lapkeko Iker Izagirrek eta Aratz Ormaetxeak 22-17 irabazi zieten Oiarpeko Manez Olaizi eta Tolosako Aitor Etxeberriari.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.