Aresoko Udalak postuen irteerako prezioak ere jakinarazi ditu. Bigarren, hirugarren eta laugarren postuen hasierako prezioa 660 eurokoa izanen da. Lehenbiziko, bosgarren, hogeita batgarren, hogeita bigarren, hogeita hirugarren eta hogeita laugarren postuen truke 360 euro eta gainontzeko postuen lizitazio-prezioa, 240 eurokoa izanen da. Txartelarekin ordaintzeko aukera izanen dela aipatu du udalak.
Horretaz gain, azaldu dute postua egokitzeko lan guztiak egiteko konpromisoa esleitutako pertsonek hartzen dutela bere gain. 100 euroko findantza eskatuko zaie eta denboraldi bukaeran transferentzia itzuliko da, ezin izanen da hurrengo urterako gorde. Enkanteko baldintza guztiak Aresoko Udalaren web orrian ikus daitezke.
Iazko uso postuen enkantean 19.298,33 euro bildu zituen Aresoko Udalak.