Goizuetako talogileek gogotik egin zuten lana irailaren 14an; 140 lagun inguru elkartu ziren Ixkibi kanpinean antolatutako bazkarian. Hitzordua baliatu nahi izan zuten Alize Sagardui Lekuonari omenaldi txiki bat egiteko. Europako Junior Pilota txapelketan bost domina irabazi dituela ospatu zuten elkarrekin.
Unai Agirre eta Aitor Mendizabal bertsolariak eta Dani, Ainara eta Xuban aritu ziren bazkalaurrea eta bazkalondoa girotzen. Batzuen bertsoek eta besteen trikiti doinuek giro ederra jarri zuten. Arratsaldeko toka txapelketan, berriz, Martin Etxeberria izan zen garaile.