Talogileen postuak 10:30ean irekiko dituzte eta Mendialdeko azoka 11:00etan hasiko da. 14:30era arte, bertako ekoizleek eta artisauek mimoz landutako jakiak, eskulanak... erosteko aukera izanen da. Taloak jateaz gain, nola egiten diren ikasteko aukera ere eskainiko dute: tailerra eginen dute 11:00etatik 12:30era. Herri kirolek ere izanen dute tokia eta, festarako gune nagusia plazan izanen den arren, 10:30ean emakumeen pilota partidak eta 18:00etatik aurrera lehen mailako paleta gomako partidak eta esku pilotakoak antolatu dituzte Amazabal pilotalekuan.
Irailaren 14an, Talo Egunaren hogeigarren edizioa ospatuko dute. Urtero bezala, taloak jateko eta egiten ikasteko aukera izanen da eta herri kirol erakustaldirik ere ez da faltako. Gainera, iaz bezala, Mendialdeko Azoka Ibiltariarekin bat eginen du hitzorduak eta eskualdean ekoizten dituzten elikagaiak eta artisauen lanak erosteko aukera izanen dute bisitariek. Eskaintza osatzeko, pilota eta paleta gomazko partidak ere antolatu dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun