Abuztuaren 10ean, igandean, Etxera! kantu bazkaria antolatu du Sarek. Kuxkuxtu txarangak alaituta, kantu bazkaria izanen da. Karrapean, 14:30ean hasiko da bazkaria eta 30 euroren truke, mariskoz betetako piperrak, penka beteak onddo saltsarekin, bakailaoa bizkaitar erara, masail iberikoak eta goxua izanen dituzte. Txartelak Maimur, Peritza eta Torrea tabernetan eskura daitezke.
Abuztuaren 13an, asteazkenean, herri afaria eginen dute plazan 22:00etatik aurrera. Afariko txartelak, Peritza, Torrea eta Leitzarra tabernetan jarriko dituzte salgai, 30 eurotan. Afaritarako, itsaskiz betetako piperrak, penka beteak onddo saltsarekin, risottoa, sahieski errea, goxoa edo sorbetea, edaria, kafea eta kopa izanen dituzte.
Bateko zein besteko txartelak erosteko azken eguna abuztuaren 8a, ostirala, izanen da. Alergia edo intolerantziaren bat dutenek aldez aurretik abisatu beharko dute.