Euriak emana zegoen baina tarteak ireki ditu aterpetik kanpora egin beharreko ekintzetarako eta pozik, oso giro politean joan dira. Elkar besarkatuz bukatu zuten, erronka izan baitzen Maisuene taberna bihurtzea eta lana ederki egin dute, bereziki gazteek. Zoriontzekoa hori.
Tortilla lehiaketako saridunak Elena Perurena eta Jabier Legarreta izan dira eta mus txapelketan, berriz, Joseba eta Oliver txapeldun, finalean Iñigori eta Jose Luisi irabazita. Hirugarren postua Anderrek eta Mikelek eskuratu dute. Errifen zozketan emaitzak: lehengo saria 568 zenbakiarentzat eta bigarren saria 981 zenbakiarentzat. Bi sariak herrian gelditu dira.