Goizuetako mendietan barna bi ibilbide osatu dituzte. Parte hartzaileek aukeratu beharko dute ibilbide luzea edo motza egin nahi duten. Ibilbide luzeak 42 kilometro luze eta 1.500 metroko desnibela izanen ditu eta motzak 30 kilometro luze eta 950 metroko desnibela. Plazatik, 09:00etan, elkarrekin aterako dira ibilbide luzea zein motza eginen duten txirrindulariak. Besteak beste, Enekolorritik, harrobitik eta Olatxotik pasako dira. Proba lehiakorra ez denez, bizikleta elektrikoarekin parte hartzeko aukera ere badela argitu dute antolatzaileek.
Bizikleta gainera igo eta Goizuetako mendietan gozatzeko proposamena egin dute uztailaren 5erako. Garai batean Ixkibi kanpinak antolatzen zuen BTT martxa gogoan, haien lekukoa hartu dute herriko gazte batzuk eta Goizueta BTT martxa antolatu dute. 160 parte hartzaile baino gehiagok dagoeneko eman dute izena eta nahi duenak badu oraindik ere aukera, uztailaren 5era arte egonen baita epea zabalik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun