Finalerdietako lehen partida oso parekatua izan zen, zirraragarria, eta gora-behera handiak izan ziren markagailuan, 20nako berdinketara arte. Une horretan, Goiuri Zabaletak eta Erasunek partida euren aldera eramatea lortu zuten eta 22-20 irabazi zieten Etxegarairi eta Gaminderi.
Azken emaitza zabalagoa izan zen arren (22-14), bigarren finalerdia ere gogorra eta luzea izan zen. Partida honetan Arrate Bergarak ez zuen bere egunik onena izan. Amaia Aldaik ederki jokatu zuen, baina ezin izan zuen garaipena lortu. Salsamendi eta Mendizabal, berriz, sendo eta lasai aritu ziren partida osoan.
Labriten pilota partida bat jokatzea, berez, zirraragarria bada, final bat San Fermin festen zurrunbiloaren erdian jokatzea pilotari batek bizi dezakeen esperientziarik bereziena izanen. Pribilegio hori izanen dute uztailaren 12an Goiuri Zabaleta leitzarrak eta Erasunek eta Salsamendik eta Mendizabalek, Soraluzen ostiralean jokatutako finalerdietan euren partidak irabazita. Beraz bi aurrelari nafar bikainen arteko derbiak, are interesgarriagoa eginen du final hori.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun