Ekainaren 22an, Iruñeko Labrit pilotalekuan jokatu zituzten Nafarroako Kirol Jokoetako pala goma txapelketako finalak. Hirugarren mailan, Anartz Lujanbio Narbarte goizuetarrak Club Fronton Lopez taldeko J. Bronte izan zuen aurkari. Partida guztian zehar atzetik joan zen Anartz, baina atzetik aurrerako bidea egin eta 25 eta 24 irabaztea lortu zuen azkenean. Labritera joandako herritarren animorik ez zuen falta izan, kuadrilla ederra joan zen Goizuetako pilotariari babesa ematera.