Plazandreak saioak berezkoa duen eran, jaialdi bakoitzean bi partida jokatuko dituzte, bat banaka, lau eta erdiaren barrenean, eta bertzea binaka. Binaka arituko diren bikoteak Arrizabalaga eta Bergara, Ibarrola eta Gaminde, Goiuri Zabaleta leitzarra eta Mendizabal eta Arraiza eta Capellan izanen dira, eta kaiolan, berriz, Aldaik, Arrillagak, Etxegaraik eta Erasunek neurtuko dituzte indarrak.Aurten ere, Plazandreak saioko jaialdi guztiak Bilboko bihotzean kokatutako Esperanza pilotalekuan jokatuko dituzte.
Babes zabala
Pilotariei eta txapelketari babesa eskaini eta pilotazaleei Esperantza pilotalekura gerturatzeko gonbita eginez, ekainaren 18an egindako aurkezpenean izan dira EITBko kirol zuzendaria Joseba Urkiola, Bizkaiko Foru Aldundiko Kirol Zuzendria Carlos Sergio Atxotegi, Itxaso Erroteta, Bilboko Udaleko Gazteria eta Kirol zinegotzia, Iker Iglesias Eusko Labeleko ordezkaria eta Alvaro Parro, Laboral Kutxako kidea.