Ekainaren 7an jokatu zuten Euskal Herria Mendi Erronkaren hamaikagarren edizioa. Goizeko zazpi eta erdietarako itxura ederra hartua zuen Leitzako plazak: lasterkariak nerbioak dantzan, boluntarioak batean eta bestean eta hainbat herritar irteera puntuan zain. Erlojuak goizeko zortziak seinalatu eta lasterketari hasiera eman aurretik, Gure Zirkuko kideei omenaldia eskaini zieten «euskaratik eta euskaraz egiten duten lana goraipatuz». Gure Zirkuko lantaldeko zortzi kidek jaso zuten omenaldia, tartean, Unai Zabaleta leitzarrak.
Zortzietan puntuan atera ziren Leitzako plazatik Euskal Herria Mendi Erronkako parte hartzaileak. Aurtengoan nabarmena izan da azken orduan lasterketan parte ez hartzea erabaki dutenen kopurua. 67 kilometroko erronka osatzeko asmoa zuten 354 lasterkari atera ziren irteera puntutik: 327 gizonezko eta 27 emakume eta erreleboka, lasterketaren lehenbiziko zatia osatu behar zuten 25 lasterkari.
Euskal Herria Mendi Erronkan parte hartu zuten 50 bikotetatik 44k lortu zuten helmugara iristea. Ultra lasterketan, 296 izan ziren hamahiru ordu baino lehen helmugara ailegatu zirenak: 273 gizonezko eta 23 emakumezko. Goizaldeko langarra eskertu zuten lasterkariek eta eguerditik aurrera eguzkiak gogor jota, nahi baino gehiago sufritu behar izan zuten Lekuberritik Iriberrerako zatian. Ikusleen animorik ez zuten falta izan ibilbide osoan zehar eta jendetza bildu zen Albi, Putzuzar eta Lekunberrin.
Gizonezkoetan, Asier Rajado Barberena andoaindarra izan zen bizkorrena (6.52.05). Irumugarrietako igoera erabakiorra izan zen, kilometro bertikalean 10 minutuko aldea atera eta lasterketa osoan eutsi zion lortutako errentari. Bigarren posturako lehian gogor aritu zen Jon Ander Zabaleta leitzarra, Gaintzatik Lekunberrira arteko tartean eutsi zion postuari, baina azkenean erretiratu egin behar izan zuen. Podiuma Oier Elorza Abaunzek (7.01.07) eta Gaizka Sotil Etxabek (7.05.36) osatu zuten.
Emakumezkoetan Oihana Azkorbebeitia Urizar izan zen garaile (8.05.28). Lehia polita izan zuen Itxaro Zabaleta Telleria leitzarrarekin. Leitzarra joan zen aurretik Irumugarrietako gainera iritsi arte. Han hartu zion aurrea Azkorbebeitiak. Leitzarrak hasieran distantziei eustea lortu bazuen ere, Iriberreko igoeran pausoa azkartu zuen bizkaitarrak eta pixkanaka tartea handituz, bederatzi minutuko tartea atera zion helmugan. Zabaleta izan zen bigarren (8.14.29) eta Uxue Fraile Azpeitia (8.23.48) hirugarren.
Erreleboka, Miren Bastida eta Beñat Ibañez izan ziren bizkorrenak (7.07.03) eta Naiara Elolak eta Iosu Elolak (7.11.01) eta Vanesa Arbelaitzek eta Xabi Ondarok (7.41.30) osatu zuten podiuma. Joseba Lasarte eta Ane Elzaurdia beratarrak laugarren postuan sailkatu ziren (8.01.47).
| 67 KM LASTERKETA | |||
|---|---|---|---|
| POSTUA | IZEN-ABIZENAK | DENBORA | HERRIA |
| 10 | Fernando ETXEGARAI LOPEZ | 7.25.03 | LESAKA |
| 19 | Mikel ALTADILL OLABERRIA | 7.49.18 | LEITZA |
| 29 | Iban BENGOETXEA COUSILLAS | 8.11.38 | LEITZA |
| 2 | Itxaro ZABALETA TELLERIA | 8.14.29 | LEITZA |
| 32 | Julen LIZARRAGA LAZKANO | 8.23.29 | LEITZA |
| 35 | Xabat ILLARREGI MARZOL | 8.30.26 | LEITZA |
| 36 | Igon BEREAU URROZ | 8.32.17 | LEITZA |
| 41 | Gorka BERMEJO HUALDE | 8.39.31 | LEITZA |
| 45 | Arkaitz NIEVE ITURRALDE | 8.40.37 | LEITZA |
| 56 | Aritz ARANZEGI ELORDI | 8.55.38 | LEITZA |
| 60 | Mikel UNANUA ARIZMENDI | 8.59.23 | GARTZAIN |
| 65 | Aitor MITXELENA MARITXALAR | 9.09.49 | LESAKA |
| 70 | Adur BERNAOLA RESPALDIZA | 9.14.50 | LEITZA |
| 94 | Ugaitz UGARTEMENDIA MENDIZABAL | 9.36.55 | LEITZA |
| 105 | Iker BARANDARAIN CABALLERO | 9.45.45 | ARESO |
| 106 | Amets AMUNDARAIN GARRIDO | 9.46.19 | LEITZA |
| 132 | Eden ALGUERO CHIVITE | 10.10.18 | ARESO |
| 209 | Ander ALDUNTZIN IBAÑEZ | 11.17.22 | LEITZA |
| 219 | Alex APEZETXEA SALABERRIA | 11.25.26 | GOIZUETA |
| 245 | Markel BARRIOLA HERNANDORENA | 12.14.45 | LEITZA |
| 266 | Aimar OTERMIN GURUTXARRI | 12.35.08 | ARESO |
| ERRELEBOKA | |||
|---|---|---|---|
| POSTUA | IZEN-ABIZENAK | DENBORA | HERRIA |
| 4 | Joseba LASARTE eta Ane ELZAURDIA | 8.01.47 | BERA |
| 16 | Mikel ESNAOLA eta Paula ARTIEDA | 9.18.20 | BERA |
| 19 | Haizea BELAUNTZARAN eta Bingen BEGIRISTAIN | 9.31.53 | LEITZA/ALDATZ |
| 20 | Beñat MITXELENA eta Olatz MITXELENA | 9.34.19 | BERA |
| 21 | Hasier ZABALA eta Uxue MUTUBERRIA | 9.39.53 | LEITZA/GOIZUETA |
| 22 | Beñat SARALEGI eta Marta IRAÑETA | 9.40.49 | LEITZA/IRURTZUN |
| 27 | Ima IPARRAGIRRE eta Jon IPARRAGIRRE | 10.12.20 | LEITZA/ZARAUTZ |
| 30 | Manex ZABALETA eta Amaia ETXARTE | 10.34.04 | LEITZA/DONEZTEBE |
| 31 | Asier ZABALETA eta Miren OTERMIN | 10.42.04 | LEITZA |
| 35 | Oiher ALTZELAI eta Olatz ORTIZ | 10.58.04 | LEITZA/TOLOSA |
| 36 | Beñat ASTIBIA eta Nerea ASTIBIA | 11.04.28 | LEITZA |
| 37 | Joanes ILLAREGI eta Nahia BARRIOLA | 11.14.28 | LEITZA/LEKUNBERRI |
| 39 | Andoitz AZURMENDI eta Maider AZURMENDI | 11.32.00 | LEITZA |
| 40 | Oihana SAENZ eta Sergio ARIZTIMUÑO | 11.42.33 | LEITZA/BERRIOSUSO |
| 42 | Aitor HUIZI eta Nagore ESNAOLA | 12.05.26 | LEITZA/LIZARTZA |
| 44 | Manex MORENO eta Eva FERNANDEZ | 12.36.47 | LEITZA/LEKUNBERRI |
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!