Ibero erreka ingurua garbitzeko auzolana deitu du larunbatean Goizuetako Udalak

Ttipi-Ttapa 2025ko mai. 21a, 10:00

Iberoko erreka inguruak garbituko dituzte auzolanean.

Auzolanean parte hartu nahi dutenek udaletxera deituta eman beharko dute izena maiatzaren 23a baino lehen.

Ibero erreka inguruko larrak eta belarrak garbitzeko, auzolana deitu du Goizuetako Udalak maiatzaren 24an, 09:00etan. Lanerako tresnak norberak eraman ditzake edo udalak utzitakoak erabili, izena ematerakoan zehaztu beharko dute. Material osagarria (gasolina, pita...) udalak eramanen ditu.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun