Norbera bere kabuz joanen da bertara, baina ahal dela kotxea partekatzeko eskatu dute antolatzaileek. Handik Gozainera igoko dira eta ttirriki-ttarraka Berdabio baserrira iritsiko dira. Ibilbide zirkularra osatuko dutenez, bueltan berriz ere Arriurdiñetara jaitsiko dira. Bost orduko itzulia izanen da. Irteeran parte hartzeko ez da aurretik izena eman behar.
Bukaeran, bazkaria antolatzeko asmoa ere badute. Umore Ona elkartean izanen da eta 20 euro ordaindu beharko dira. Izen emateko 669 08 01 61 telefonora idatzi eta bizuma egin beharko da. Epea bihar, hilak 21, bukatuko da.