Bestak 2025

Leitzako festetako txupinazoa botatzeko hautagaiak aurkezteko epea ireki dute

Ttipi-Ttapa 2025ko mai. 15a, 11:30

Feliziana eta Mikaela Zabaletak bota zuten suziria 2024an emakume baserritarren izenean.

Festa batzordeak herritarren esku utzi du erabakia eta maiatzaren 26ra arte jasoko dituzte proposamenak.

Herritarrek erabakiko dute nork piztuko duen abuztuaren 10ean festei hasiera emanen dien suziria. Pertsona edo eragileak proposatzeko aukera izanen dute eta maiatzaren 26ra arte jasoko dituzte proposamenak, galdetegi honen bidez. Hautagaitzak aurkezterakoan norbere izen-abizenak eta proposamenaren arrazoiak aurkeztu beharko dituzte.

Ondoren,  festa batzordeak hautagaien zerrenda osotik hiru aukeratuko ditu eta, berriz ere, herritarrek izanen dute hitza: 16 urtetik gorako edozein herritarrek izanen dute botua emateko aukera.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun