Txalo Talo konpainiak Kutsidazu bidea Ixabel antzezlana ezagunaren moldaketa taularatuko du maiatzaren 11n, igandean, udaletxeko ganbaran. Emanaldia 18:30ean hasiko da eta dohainik izanen da. Ester Povedaren zuzendaritzapean, sei aktore igoko dira oholtzara.
Euskaraldiaren atarikoa izanen da igandeko emanaldia. Aipatu behar da Goizuetan 77 herritarrek eman dutela Euskaraldian izena eta horietatik 52k parte hartuko dutela Euskaraldia Hikan. Antzerkia hasi aurretik, 18:00etatik 18:30era, udalaetxeko atarian banatuko dituzte Ahobizi eta Belarriprest txapak. Euskaraldiko banderolak Amaia kafetegian eta Zubi-dendan jarriko dituzte salgai bost eurotan.