2024ko urrian jarri zituzten martxan Ibilbide Osasuntsuak Goizueta 65+ taldeko kideek eta hamabostean behin kuadrilla polita biltzen da elkarrekin ibilaldi bat egiteko. Jubilatuen etxean 10:00etan elkartu eta handik eguraldiaren arabera batera edo bestera mugitzen dira. Josune Eizmendi aritzen da gidari lanetan eta denek egiteko moduko itzulia izaten dela azpimarratu dute. Itzulia 12:00 aldera bukatu eta bukaeran sorpresa izaten dute.
Udaberri giroa aprobetxatu eta hamabostero egiten zuten hitzordua, astero eginen dute aurrerantzean. Maiatzaren 2tik ekainaren 20ra arte, ostiralero elkartuko dira jubilatuen etxean 10:00etan pare bat orduko itzulia egiteko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun