Ikasketa gelarekin, modu erosoan, lasaian eta isiltasunean lan egiteko toki jarri nahi dute herritarren eskura. Goxali liburutegi eta ludoteka zerbitzua eskaintzen duten eraikinean egokituko dute ikasketarako txokoa eta momentuz, erabiltzaileen zerrenda osatzen ari dira. Asmoa, ikasketarako gela asteko zazpi egunetan irekita egotea da, 07:00etatik 23:00etara. Gela erabili ahal izateko horretarako apropos sortu duten Whatsapp taldean sartu beharko dute hemezortzi urtetik gorakoek. Adin txikikoek, berriz, heldu batekin sartzeko aukera izanen dute.