Familia txokoaren baitan, masaje tailerra antolatu du Leitza, Areso, Goizueta eta Aranoko Adin Txikikoen Tratu Onen Sareak. Julene Armendarizen eskutik, umeei masajeak ematen ikasteko aukera izanen dute gurasoek eta bide batez, haurraren zainketari eta heziketari buruzko kezkak partekatzekoa. 0-12 hilabete arteko haurrak dituzten familiek parte hartu dezakete tailerrean eta lau saio prestatu dituzte: maiatzaren 6an, 13an, 20an eta 27an. Leitzako Udaletxeko lehenbiziko solairuan elkartuko dira, 10:00etatik 11:30era.
Izen ematea eta informazioa
Tailerra dohainik izanen da, baina parte hartu nahi dutenek maiatzaren 5a baino lehen eman beharko dute izena 948 51 08 40 telefonora deituta.