Aniztasun Astea egin dute apirilaren 14an, 15ean eta 16an Leitzan. Gizartean dagoen aniztasuna erakutsiz, gai bat lantzen dute urtero eta aurtengoan, aniztasun funtzionalean jarri dute begirada. Hainbat lanketa egin dituzte ikasleekin eta apirilaren 12an, plazan antolatu zuten ginkanarekin herritar guztiei egin zieten besteen azalean jarri eta inklusio ariketa egiteko aukera.
Zeinu hizkuntza ikasiz, gurpildun aulkian bideko oztopoei aurre eginez, begiak estalita... aniztasun funtzionala duten pertsonek egunerokoan dituzten zailtasunei aurrei egin zieten.
Duela urte batzuk hasi zen Erleta Eskola Aniztasun Astea antolatzen eta pixkanaka zabaltzen joan da. Lanketa ez da eskolara mugatu, LHL ekimenak duela bi urte bat egin zuen Aniztasun Astearekin eta Itzaire Haur Eskolak, Amazabal Institutuak eta Okille tailerrak ere gaia landu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.