Festetako giroa berotu eta herritarren artean saltsa sortzeko asmoz, frontenis txapelketa mistoa antolatzea erabaki du Aresoko festa batzordeak. Kanporaketa fasea maiatza eta abuztu artean jokatuko dute eta abuztuaren 14an, festetako lehenbiziko egunean, izango da finala.
Txapelketako parte hartzaileak hiru kategoriatan banatu dituzte: haurrak, gaztea eta helduak. Haurren kategorian hamabi urtera artekoak ariko dira. Gazteetan, 2006 eta 2013 artean jaiotakoak eta helduetan, hogei urtetik gorakoak.
Izena emateko epean apirilaren 28an bukatuko da. Interesa dutenek Plaza Zaharreko autobus geltokian jarrita dagoen orrian izena eman edo mezu bat bidal dezakete 618 13 00 71 edo 647 20 82 42 zenbakietara.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.