Aterpeak elkarteko kideek eskaini zuten tailerra eta intsektuen hotelak nola eraiki erakusteaz gain, intsektuak kontserbatzea ezinbestekoa dela nabarmendu zuten:«intsektuek biodibertsitatea handitu, polinizazioa areagotu eta izurriteak kontrolatzen dituztelako». Intsektu-espezieen kopurua ikaragarri jaitsi dela ere azaldu zuten: «intsektuen % 41 gainbeheran dago. Intsektuen biodibertsitatea murriztu egin da, batez ere, gizakiak habitatean eragindako aldaketengatik eta animalia horientzat kaltegarriak diren pestizidak eta intsektizidak erabiltzeagatik». Intsektuen hotelak jarrita biodibertsitatearen aldeko keinu txiki bat egin daiteke.