Hainbat ibilgailu erre dira bart gauean Leitzan piztutako bi sutetan. Ia aldi berean jaso dute larrialdi zerbitzuek abisua: Landa industrialdean 22:56an piztu da sua eta eta Arkiskil auzoan, 23:11n. Lehenbiziko sutean, traktore bat, kamioi bat, inauterietako bi karroza eta auto bat kiskali dira eta bigarrenean, bi traktore eta atoi edo erremolke bat.
Foruzaingoak ikerketa ireki du gertatutakoa argitzeko, baina lehen zantzuen arabera badirudi nahita piztutakoak izan direla. Leitzako suhiltzaile boluntarioak eta Cordovillako eta Tolosako suhiltzaileak bertaratu ziren suteak itzaltzeko.
