2024 urteko Fluxuaren Hondakinen Funtsak diruz lagunduta egin dute kanpaina. Biohondakinak gaika biltzeko edukiontzi marroiaren erabilera egokia sustatu eta belar eta lorezaintzako hondakinen kudeaketarekin lotutako zerbitzuaren berri ematea zen helburua. Hiru hilabeteko epean lortutako emaitzak onak izan arren, Mankomunitateko teknikariek azpimarratu dute «oraindik asko dagoela egiteko». Mankomunitateak ez ditu lortu ezarritako birziklatze-helburuak, eta, horregatik, 2025ean sentsibilizazio eta kontzientziazio ekintzak eginen dituztela aurreratu dute.
Mendialdea Mankomunitateak biohondakinak birziklatzeko kanpaina berezia egin du
Mendialdea Mankomunitateak 2024ko azaroan jarri zuen martxan edukiontzi marroiaren erabilera sustatzeko kanpaina Areson, Goizuetan, Leitzan eta Lekunberrin. Kanpaina amaitu zenetik hiru hilabete igaro direnean, Mendialdea Mankomunitateak oso positibotzat jo ditu lortutako emaitzak, «selektiboki bildutako biohondakinen ehunekoa % 6 igo da eta aldi berean, edukiontzi horretan agertzen diren elementu desegokien kopurua nabarmen jaitsi da».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun