Ilbeltzaren 30ean egin zuen lehenbiziko bilkura Goizuetako Irakurle taldeak eta martxoaren 26an elkartuko dira berriz. Miren Agur Meaberen Itzulerak liburua irakurtzen aritu dira azken asteetan eta elkarrekin mamituko dituzte batzuen eta besteen gogoetak. Harkaitz Delgado liburuzaina ariko da dinamizatzaile lanetan. Gainera, idazlearekin berarekin ere hitz egiteko aukera izanen dute saiora gonbidatu dutelako.
Irakurle taldea irekia dela ere gogorarazi nahi izan dute eta norbaitek bertan egon nahi badu taldean sartu eta liburua eskura dezake.