Leitzatik independentziara lemapean, egun osoko egitaraua antolatu du Ernai gazte erakundeak. Gazteei beraiekin bat egiteko deia egin diete: «bat eginez, amesten dugun Euskal Herrira jauzi egiteko indarrak batuko ditugulako».
Mahaiaren bueltan bilduta hasiko dute eguna, 14:30ean bazkaria izanen dute Atekabeltz gaztetxean. 16:00etan Gazteen Eskutik Indenpendentziara ekimenaren aurkezpena egin dute. Apirilaren 17tik 20ra, Berriozarren eginen dituzten topaketak dira eta hitzaldiak, tailerrak, mahai inguruak, kontzertuak... izanen direla aurreratu dute. 17:00etan kontzertu akustikoa antolatu dute. 18:30 aldera poteoan hasiko dira Leitzako tabernetan eta halaxe ibiliko dira 21:30ean gaztetxean afaltzeko elkartu arte. Eguna bukatzeko, Lenbailen taldearen kontzertua izanen da 23:00etatik aurrera eta ondoren, Trio De Janeiro DJ ariko da.