Antzezlanean, Mikel izanen da protagonista, eta bost urtez preso egon ondoren, ordubete geratzen zaio bizimodu berri bat hasteko. Ordubete hori inoiz parez pare ezagutu ez duen igorle misteriotsu bati eskainiko dio. Izan ere, azken hilabeteetan, bere burua identifikatu ez duen norbaitek bidalitako gutun misteriotsu batzuk jaso ditu. Eskutitz horiek guztiek ezaugarri bera dute; postdataren lekua hutsik uzten du igorleak. Charlot modura jantzitako pianista mutu baten laguntzarekin, bere bizitzaren errepaso bat egin eta jasotako gutunak gogoratuko ditu, igorle misteriotsua nor den jakin arte.
Sarrerak kulturaleitza.eus-en eskuratu daitezke zazpi eurotan edo egunean bertan, emanaldia hasi baino ordu erdi lehenago irekiko duten leihatilan, zortzi eurotan.