Areson
- Martxoaren 7an, ostiralean, 13:40an elkartuko dira eskolan eta LH 4, 5 eta 6ko ikasleek tratu onaren inguruan sortu dituzten koplak abestuko dituzte elkarrekin.
- Martxoaren 8an, larunbatean, elkarretaratzea eginen dute 12:00etan Plaza Zaharrean.
Leitzan
- Martxoaren 6an, ostegunean, Erreka zoko hortan film laburraren eta dokumentalaren proiekzioa eta solasaldia antolatu dituzte Leitzako Herri Aretoan, 18:00etan.
- Martxoaren 8an, larunbatean, manifestazioa eginen dute 12:00etan plazatik hasita. Faxismoaren kontra, ausardia eta aliantza feministak leloa aukeratu du Lañaidek eta ondoren, bermuteo feminista antolatu dute.
- Martxoaren 9an, igandean, 11:30ean eskalada ikastaroa eskainiko du pilotalekuan Maria Feo Migelak.
- Martxoaren 13an, ostegunean, Sustraietatik eraldatuz dokumentala ikusteko aukera izanen da 18:00etan Leitzako Herri Aretoan eta proiekzioaren ondotik solasaldia izanen dute.
- Martxoaren 23an, igandean, Hitzen performantzea:rr_6_erre(AH)ala emanaldia eskainiko du Maialen Lujanbiok. Atekabeltzen, 18:00etan.
Goizuetan
- Martxoaren 8an, larunbatean, 12:00etan elkartuko dira plazan eta herriko dantzariek prestatu duten dantza eginen dute. Segidan, elkarretaratzea.
Aranon
- Martxoaren 8an, larunbatean, 19:00etan kalejira eginen dute eta ondoren, emakumeen afaria Kontzejuko tabernan.