Foruzaingoak jakitera eman duenez, 09:27 aldera artatu zuten istripua. Oharrean diotenez, maldan beheiti 10 metro inguru amildu zen, iristeko zaila den tokian. Istripuaren tokira 112 larrialdi zerbitzukoekin batera, Goizuetako suhiltzaile boluntarioak eta mediku-erizainak, oinarrizko bizi euskarriko anbulantzia bat, bizi euskarri aurreratuko beste bi anbulantzia, Ertzaintzaren erreskate helikopteroa, SOS Deiaken helikoptero medikalizatu bat eta Gipuzkoako suhiltzaileak bertaratu ziren.
