Inauterietako egun guztiek badute bere berezitasuna, baina astelehenean herriak berak itxura berezia hartzen duela esan daiteke. Gai bat denen artean adostu, plaza apaindu eta haur, gazte eta helduak mozorrotzen dira. Aurtengorako baserria izan da aukeratu duten gaia eta ikusi beharko da baserritar, animalia, lanabesak... zein izaten den bakoitzaren hautua. Goizean, 10:00etan egin dute hitzordua plaza elkarrekin apaintzeko eta 11:30ean kalejira eginen dute. 13:00etan umeek bazkaria izanen dute eta ondoren pelikula udaletxeko ganbaran. 14:30ean helduen bazkaria izanen da eta eguna bukatzeko, txokolatea eta Mikeltxi DJaren emanaldia.
Goizuetako inauterietako bazkarirako txartelak salgai jarri dituzte
Martxoaren 2an, igandean, hasiko dira Goizuetako inauteriak eta biharamunean, bazkaria eginen dute elkartean. Amaia kafetegian eskura daitezke txartelak, umeek hamabi euro eta helduek hemezortzi euro ordainduta. Txartelak hartzeko azken eguna otsailaren 28a, ostirala, izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun