Leitzako plazan 13:00etan elkartu eta kantu poteoan ibiliko dira bazkalordura arte. Bazkaria 14:00etan hasiko da Erleta Eskolako jangelan eta giroa alaitzeko, Angel Mariezkurrena, Aitor Ibarra, Frantzisko Santxotena, Beñat Mitxelena eta bertsolariak gonbidatu dituzte. Horietaz gain, gonbidatu bereziak eta dantzariak ere ariko dira.
Ekitaldirako sarrerak Maimurren jarri dituzte salgai, 45 eurotan eta herritik kanpo bizi direnek 671 26 50 43ra deituta ere egin dezakete erreserba. Bazkaritarako, patea eta urdaiazpikoa, penka beteak, risottoa, bakailaoa bizkaitar erara, oilaskoa saltsan, gazta moussea edo sorbetea izanen dituzte, edaria, kafea eta kopa barne.
Tartean, bingoa eta taberna zerbitzua ere izanen direla aipatu dute antolatzaileek.