Gimnasioko erabiltzaileen eta udalaren arteko komunikazioa hobetu nahian, bilera bat egin zuten urtarrilaren 26an. Bertan adostu zuten, gimnasioko erabiltzaileak izanen direla zubilana egin eta zerbait falta edo hondatzen denean udalarekin harremanetan jarriko direnak.
Gimnasioko erabiltzaile horiek izan dira ere, duela gutxi herritarren artean zabaldu den galdetegia osatu dutenak. Herritarren iritzia bildu nahi izan dute dirua zertan inbertitu erabaki aurretik. Whatsapp bidez zabaldu dute galdetegia eta nahi duenak gimnasioan bertan ere eskura dezake paperean.
Zerbitzuan ere hobekuntzak izanen dira. Ordutegia luzatuko dute eta aurrerantzean 06:00etatik 00:00etara egonen da irekita.
Bide batez, udalak eskertu nahi izan du herritarrek erakutsitako borondatea: «herritarrak aktibo daudela ikusi eta behar denean aurrerapausoak emateko prest daudela ikustea pozgarria da oso».