Berdabio eta bere lagunen larruan jarri eta preso eraman zituztenean egin zuten bidea egiteko aukera izanen du mendizale kuadrilla batek datozen asteetan; Trabuko bidea osatzekoa. Goizuetatik Iruñerako bide zaharra berreskuratuz, lau etapatan banatutako ibilbidea osatuko dute. Larunbat honetan eginen dute lehenbiziko etapa, Goizueta eta Leitza artekoa. 65 lagunek eman dute izena.
Interesa piztu du Arainburu Mendi Taldeak egindako proposamenak. Berrogei bat lagun biltzeko nahia zuten antolatzaileek eta erraz gainditu dute kopurua: «65 bat lagun izanen gara lehenbiziko etapan. Jendeari asko gustatu zaio ekimena eta herritarrez gain, Hernani, Ereñotzu, Leitza, Azkaine eta Iruñatik ere etorriko da jendea».
Goizuetako plazatik aterako dira 08:00etan eta sei ordu inguruko itzulia egin ondotik, bueltarako autobusa 14:30ean aterako da Leitzatik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.