Buruz burukoan lehenbiziko jokoan nagusi izan zen Umore Onako Eñaut Lizeaga. 10-0 irabazi zion Zugarraldeko Aitor Alduntzini. Bigarren jokoan, lehia estua izan zen eta 7-10 galdu zuen Lizeagak. Hirugarren jokoa 5-4koarekin irabazita, Umore Onak poltsikoratu zituen norgehiagokako puntuak.
Binakakoan, nagusi izan ziren Beñat eta Antton Apezetxea. Zugarraldeko Enaitz Antso eta Beñat Villanueva mendean hartu eta bi jokoak irabazi zituzten (10-6 eta 10-8).
Hala, hamasei punturekin, sailkapen orokorreko zortzigarren postua eskuratu dute Umore Onako pilotariek. Bi partida falta zaizkie txapelketa bukatzeko, baina dagoeneko matematikoki lortu dute mailari eustea.