Torturaren inguruko ziklo laburra antolatu dute Leitzako Udalak eta Nafarroako Torturatuen Sareak. Gaur, hilak 12, Xabier Mendigurenek idatzitako Oso latza izan da liburuari buruzko literatur solasaldia izanen dute 18:00etatik aurrera liburutegian eta idazlea bera ere bertan izanen da.
Joxe Arregiren bizitzako azken egunak eta hil ondorenak jasotzen ditu Oso latza izan da kronika literarioak. Xabier Mendiguren idazleak 80ko hamarkadara darama irakurlea; Joxe Arregi ETAko militanteak jasandako torturen arrastoak munduari erakutsi zizkioten argazkiak nola atera ziren eta nortzuk egin zituzten kontatzen du.
Zikloarekin segitzeko, bihar, Indarkeriaren Oi(h)artzunak dokumentalaren proiekzioa eta solasaldia izanen dituzte 18:30ean herri aretoan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.