Leitzan, haurrak etxez etxe ibili ziren Agira-agirando abestu eta limosnatxo bat eskatuz. Iluntzean, berriz, Agate Deun bezperako koplen txanda izan zen eta makilak eskuetan, trikitilari, akordeoilari, bertsolari eta txistulariekin kalejira egin zuten.
Aresoko haurrek eta gurasoek ere ospatu zuten Agate Deun bezpera. Aurretik eztarria goxatu zuten txokolatea janez eta herriko itzulia bertso zahar eta berriak abestuz osatu ondoren, elkartean afari merienda eginez borobildu zuten eguna.